1) Pumili ng isang totoong pahayag hinggil sa karne na binili sa isang bansa na mayorya ang mga Muslim.

1. Ang isa ay hindi maaaring bumili ng karne mula sa merkado at kainin ito kung ang pangalan ng taong nagkatay nito ay hindi kilala.
2. Ang isa ay hindi maaaring bumili ng karne mula sa merkado hanggat hindi binibisita ang mga lokal na bahay-katayan at maimbistiga ang mga pamamaraan ng pagkakatay.
3. Kahit na ang karamihan ay Muslim, dahil may ilang mga Hudyo at mga Kristiyano na naninirahan doon, ang karne ay hindi maaaring mabili mula sa mga merkado at hindi maaaring kainin.
4. Wala sa mga nabanggit sa itaas.

2) Sa isang salu-salo sa opisina , ang mga kasamahan sa trabaho na mula sa iba't ibang relihiyon ay nagdala ng inihaw na karne. Mula sa kaninong pagkain ang isang Muslim ay pinahihintulutan na kumain, ipagpalagay na lahat sila ay bumili ng karne mula sa isang halal na bilihan ng karne?

1. Sa isang ateista.
2. Sa isang pagano.
3. Sa isang Hindu.
4. Ang lahat ng mga nabanggit sa itaas.

3) Habang nangangaso, alin sa mga sumusunod na karne na nahuli ng isang aso ang pinahihintulutan?

1. Ang karne na nahuli ng sariling aso kung saan nabanggit ang pangalan ni Allah bago pinakawalan ito.
2. Ang karne na nahuli ng anumang aso hangga't ang hayop ay nahuli at pinatay sa leeg.
3. Walang karne na nahuli ng mga aso ang ipinapahintulot.
4. Hindi pinahihintulutan ng Islam na gamitin ang mga aso para sa pangangaso.

4) Ang isang Muslim ay inanyayahan sa isang hapunan ng kanyang kasamahan sa trabaho na isang Hindu. Naghahain ito sa kanya ng inihaw na manok. Hinggil sa karne mismo, sa anong kalagayan maaring kainin ito?

1. Kapag ang karne ay binili mula sa isang halal na  bilihan ng karne.
2. Kapag ang karne ay personal na kinatay ng Hindu sa malinis na paraan.
3. Kapag ang karne ay binili ng Hindu mula sa isang western grocery store.
4. Ang Muslim ay maaaring kumain ng karne sa pamamagitan ng pagbigkas ng Bismillah dito, na hindi isinasaalang-alang kung saan ito binili o kung paano ito kinatay.

5) Pumili ng maling pahayag hinggil sa pagtukoy ng karne bilang ipinapahintulot.

1. Ang mga hayop na namatay bago kinatay ay hinatulan na haram.
2. Kung ang isang tao ay hindi alam kung ang pangalan ng Diyos ay nabigkas sa karne na kinatay ng isang Hudyo o Kristiyano, kung gayun ito ay itinuturing na ipinapahintulot.
3. Ang mga hayop na kinatay ng mga pagano, Hindus at mga ateista ay haram at hindi maaaring kainin.
4. Ang halal na karne na binili ng isang Hindu o politeista at hindi sila ang nagkatay ng mga ito ay maaaring kainin.
5. Wala sa mga nabanggit sa itaas.